آخر الأخبار
سيدي يحيى بريس ترحب بكم ...
الرئيسيـــــــــــــــــــة فيديوهات سيدي يحيى بريس نحن دائمـــــــــا معكم إتصل بنـــــــا
قصيدة ذكريات من مدينة سيــــدي يحيــــــى الغربــــ ~ سيدي يحيى بريس

قصيدة ذكريات من مدينة سيــــدي يحيــــــى الغربــــ


ذكريات من مدينة سيــــدي يحيــــى الغربــــ

الحاج ادريس كريكيبة غشت 2014

بسم الله الكريم العالي ذرتْ على المرجةَ وتْغير حَالي ، وتفكرت لحْباب غاب الاول و الثاني منهم الشريفْ المَلَالي ، الخْيَامْ صَادة قَبْلة العْلَامْ إتْشَالي إيجِيبْ العَادَة مِنْ عِندْ بَكَاْر للسِيْد الجِلالِي إيضَاّيفْ الجْوادْ بِالسٌومْ الغَالي ،تْبدلتْ الوقتْ وعمرتْ المَرْجَة بالرِدْمَة ولَحْدِيدْ البَالي كَبٌو فِيهَا الوّادْ الحَارْ ومَبْغاشْ إيسَالي ، اجْدبّتْ و تْحيرتْ كيفْ البهُالي ، ولاَ مْن إيجَاوبْني على سٌؤالي ، سَولت فين اْلرّمى لقْدامْ ومعَاهمْ الشٌيخ إدْيَالي فين موالين الخيلْ من الصاْفري حتى سيدي عبد الرحمن فيهم تالي فين موالين إجْويجاتَ يقصد الطرقان اطْويلة يوصْلُ للجلِالي ، فين عِساوَة و ِالَغوَاَطِي باجديه إيلاَلِي ، فين جيلالة اعسِيسْ عدَانْ جلالي ،فين احمادْشة ولد لمعلم ادريس و حَرْقاَصَة بالشعر تْشَالي فين اعْبيداتْ زمور حسان بن العطار مول الشّعْر الغَالي فين اعبيدات اولاد احميد الصقال و الحسين و التَرْوالي ، فين الكزارة اولاد حمو اولاد الحمري يدبحو لمليح لِمَايتَنْسَالِي ، فين العّنَابَة الحكاك وادريس وسيدي ابراهيم و الزروالي ، فين الخّبَازَة الحيمر ولد الغرب المَداني والعلالي ،فين الشّوَايَة ابَاحمان و الرحالي ، فين الكّرابة لعونية والمشينَة و الدكالي ، فين الشّفَانْجِية ابا عبد السلام والرداد و الرباطي مَكْبَرْهُم بِامْقَالي ، فين احمد الميس في الخزانة كْالس و يشَالي ، فين العّز والكرَامة تَاعتْ السَُلالي فين لباسْ الاهلية الجلابة و البلغة و الرزة بالسْلاَلي ، في السوق يعمر الثلاثاء محطة إقْبَالتْ الوّالي ، هَدْمُو جْنَانْ وبْقى وكرْ خالي لا أسْماحة لهادْ الناسْ لِرَضُونَا اِقْضِي و اِخْلاصْ ،عُمَرْ الديبْ ما يكون عسَاسْ . وعمر لقْبرْ ما يفُوتْ لقْياصْ ، عمر الطعامْ ما يفُورْ بلا كَسْكاسْ ، عمر الكرمُوسْ ما يطيب بلا فَسَاسْ ، عمر لولادة ما تكون بلاَ إنْفَاسْ ، وعمر الطريق ما تكون بلا كَيَاصْ ، عمر لقبيلة ما تنجح بلا ريَاسْ ، عمر الجعبة ما تكون إنْحَاسْ ، عمر الجْبِيرَة ما تكون بلا جَباَصْ عمرالعَودْ مَايَلْبَسْ إحْلاَس عمر البُوري مايكون غطَاسْ.

بحث في الجريدة الإلكترونية

التعليقات لا تعبر عن رأي الجريدة بل تلزم أصحابها فقط