آخر الأخبار
سيدي يحيى بريس ترحب بكم ...
الرئيسيـــــــــــــــــــة فيديوهات سيدي يحيى بريس نحن دائمـــــــــا معكم إتصل بنـــــــا
قصيدة "الكراب" لزجال الغرب المقتدر حسن البرارحي ~ سيدي يحيى بريس

قصيدة "الكراب" لزجال الغرب المقتدر حسن البرارحي


قصيدة زجلية تحت عنوان "الكراب" للزجال المقتدر حسن البرارحي
حسن البرارحي غشت 2014

سيدي يحي عايشة
ف الفوضى ولعذاب
سبابها مول القرقوبي والشراب
شوف قلة لحيا والاداب
الصف بالنهار ع مول الشراب
ف الليل شكون يقدر يفوت الباب
الناس سعرت كيف لكلاب
كل حومة فيها كراب
حنا ما صبنا راحة وهما يعمروا لقراب
ف الزناقي السكايرية يعوكوا كيف الذياب
شحال شكينا فين الجواب
حنا ف دولة القانون
ماشي الغاب
التشرميل الجرح والضرب
أكثر ف منطقة الغرب
اشحال من واحد القنيطرة هرب
البوليس عيات ف لمحاضر تكتب
ف المحكمة دفع الكفالة مع الدروج الدردب
السكان خايفين من السلب والنهب
شكون يرحمك بنادم كيف الدب
عصابة بالسيوفا تعيا ما تطلب وترغب
شعارهم اجبد اولا نضرب
منعوا صلاة لفجر ف الدرب
كل اليوم الامور ع السكان
تزيد تصعب
كلشي سكران معصب
لاخدمة لا ردمة البطالة مجمعين
ف راس الدرب
كلشي خايف ف دارو حجب
الا طلقك سكايري يشدك مقرقب
هدا هو حالنا ف سيدي يحي الغرب
بلاد المنكر ولعجب٠

بحث في الجريدة الإلكترونية

التعليقات لا تعبر عن رأي الجريدة بل تلزم أصحابها فقط