آخر الأخبار
سيدي يحيى بريس ترحب بكم ...
الرئيسيـــــــــــــــــــة فيديوهات سيدي يحيى بريس نحن دائمـــــــــا معكم إتصل بنـــــــا
دائما مع الحدث زجال الغرب المقتدر حسن البرارحــــــي ~ سيدي يحيى بريس

دائما مع الحدث زجال الغرب المقتدر حسن البرارحــــــي


قصيدة لزجال الغرب حســــــــن البرارحــــــي "فاتورة الما"


الزجال المقتدر حسن البرارحي أكتوبر2014


عيدنا لعيد داز مزيان
فرحنا مع الجيران
شبعنا لحم وقطبان
ليوم فقت ع الغوت ولبكى
ظنيتها موتى
سمعت ف بابي الدقان
هاك الفاتورة يا فلان
شفتها قلت ياك ما غلطوا زعما
واش هادي ضريبة اولا فاتورة الما
نزلت علي كيف الرعدة من السما
صدمتني صدمة
نزلت من عيني دمعة
حرقتني كيف الشمعة
ف عيني شفت الظلمة
ملي قرايت فاتورة الما
ليوم انا جيت نوجه كلمة
لادارة الما
حاورونا بالحكمة
راكم خوتنا زعمنا
حمقنا الضو وكملها الما
حنا مغاربة زعما
اسمعني وافهم لكلمة
ماعندي لا حمام ولا فيرما
الفرق كبير بين الغني ولفقير
القمح ماشي بحال الشعير
صهيل لخيل ماشي نهيق لحمير
راس مالي حصير براد صغير
اللي جمعتو اداه لعيد لكبير
مرة مالقى خدمة مرة يجيب الله التسير
هاد لمصيبة مالقيت لاجواب لا تفسير
بغيت نخلص لحساب كثير
مارتاح غير لعروبي
يضوي بالشمع ويشرب من لبير

بحث في الجريدة الإلكترونية

التعليقات لا تعبر عن رأي الجريدة بل تلزم أصحابها فقط