آخر الأخبار
سيدي يحيى بريس ترحب بكم ...
الرئيسيـــــــــــــــــــة فيديوهات سيدي يحيى بريس نحن دائمـــــــــا معكم إتصل بنـــــــا
قصيدة زجلية تحت عنوان "الشرفــــــــــــــــــــــ" ~ سيدي يحيى بريس

قصيدة زجلية تحت عنوان "الشرفــــــــــــــــــــــ"


قصيدة زجلية تحت عنوان "الشرف" لزجال الغرب المقتدر حسن البرارحي

حسن البرارحي دجنبر 2014


نسول النسا والرجال
علاش شرفنا كان مغطي
ولى يمشي عريان
واش ضعاف الايمان وغلبنا الشيطان
ايام لحيا ولعرض مشات مع القفطان
واش المشكل ف حقوق لمرا
ولا حقوق الانسان
بغينا لوقت يرجع كيف كان
الجلابة والنقاب والهمة والشان
زمان واش من زمان
المنكر ولى عيان بيان
لبنات ف لخليج شوهونا مزيان
العيشة حارة قطران
لعداوة ولخصام بين الجيران
ولاد الرومية وصلوا
حنا هرب علينا التران
القلب كحل ولحلاوة طارت من اللسان
كلشي ف الزناقي محيح سكران
كثر لكذوب ولبهتان
تبعنا تقاليد الغرب ونسينا القران
زادنا الله هم على هم وحزان
عصينا الواحد المنان
لغدر ولخديعة بين لخوان
مابقا لاأمن لاأمان
بنادم مسموم كيف الثعبان
نشف الواد من الما
يبس جنان الخوخ والرمان
الاغتصاب والقتل ف الطرقان
الدم يجري وديان
كثر البشر الاجرام ف كل مكان
اللهم كمشة نحل ولا شواري ذبان.......

بحث في الجريدة الإلكترونية

التعليقات لا تعبر عن رأي الجريدة بل تلزم أصحابها فقط