آخر الأخبار
سيدي يحيى بريس ترحب بكم ...
الرئيسيـــــــــــــــــــة فيديوهات سيدي يحيى بريس نحن دائمـــــــــا معكم إتصل بنـــــــا
قصيدة زجلية تحت عنوان "الميمة" لزجال الغرب المقتدر حسن البرارحي ~ سيدي يحيى بريس

قصيدة زجلية تحت عنوان "الميمة" لزجال الغرب المقتدر حسن البرارحي


قصيدة زجلية تحت عنوان "الميمة" لزجال الغرب المقتدر حسن البرارحي

حسن البرارحي مارس 2016


الميمة

احفظ لي لميمة يا رب
هي اغلى ف الدنيا ما كنكسب
والله عليكم ما نكدب
هي الماس هي الدهب
لميمة جوهرة ساكنة ف القلب
علمتني الصدق علمتني الحب
رباتني احسن تربية خلاتني قدوة ف الدرب
بكاني حالكم يا لعرب
ف التربية والاخلاق قلدتوا الغرب
سمحتي ف لميمة ف الزناقي تطلب
وحدانية ف دار العجزة تعدب
تصرفاتكم الشيطان منها ضحك واستغرب
ياك لميمة كرمها الله ف القران
سورة مريم شهود عيان
لميمة يحترموها جميع لديان
تشاركني الفرحة ولحزان
دعاء لميمة يستجب ليه الرحمان
الجلسة مع لميمة تفاجي لهموم قمر يضوي لمكان
لميمة مدرسة عظيمة يا لخوان
توجهني ل الطريق وتنصح الا كنت غلطان
صورتها ديما ف البال سميتها على طرف اللسان
كانت لميمة ف الكرش جيعانة ونا شبعان
انا لابس مصبط هي قدمها حفيان
تقول هداك وليدي يلعب مع لقران
الا مرضت تبكي تجمع الجيران
لميمة عظيمة الشان
دعاء لميمة يجيب التيسير يفتح البيبان
ب رضاها ينصرك الله ع العديان
تهلى واحسن ب الميمة يا داك الانسان
بوس قدامها وخا تكون سلطان
لميمة وصى عليها الرسول العدنان
ب سخط لميمة مصيرك جهنم
وخا تصوم تصلي تحج تقرا القران
ب رضاها نتعم ف الجنان
نترجاك تحفظ لي لميمة يا رحمان...

بحث في الجريدة الإلكترونية

التعليقات لا تعبر عن رأي الجريدة بل تلزم أصحابها فقط