آخر الأخبار
سيدي يحيى بريس ترحب بكم ...
الرئيسيـــــــــــــــــــة فيديوهات سيدي يحيى بريس نحن دائمـــــــــا معكم إتصل بنـــــــا
دائما مع الحدث قصيدة لزجال الغرب المقتدر حسن البرارحي بعنوان "الشعيبية" ~ سيدي يحيى بريس

دائما مع الحدث قصيدة لزجال الغرب المقتدر حسن البرارحي بعنوان "الشعيبية"


دائما مع الحدث قصيدة لزجال الغرب المقتدر حسن البرارحي تحت عنوان "الشعيبية"

حسن البرارحي أبريل 2016


الشعيبية

حكي لنا يا خالتي الشعبية
اش وقع ف البلدية
شكون الغلطان خولة ولا انتيا
بغينا نفتحوا محضر ف هاد القضية
غير ف الصلح بلا بوليس بلا جدارمية
انت فنانة يا الشعبية
مرا قاريا وفاهمة ماشي امية
المغاربة حبوك ف المدينة والعروبية
ضحكتيهم ف التمثيل ولمسرحية
ولكن شدي الصف مع الخوت الشعيبية
وخا فنانة راك مواطنة مغربية
القانون عليك وعليا
حتا واحد ما عندو الاسبقية
كيف القاريا كيف الامية
الفوضى غير ف الدول العربية
القانون احتارموه الدول الغربية
ف هادي اغلطتي يا الشعيبية
ديري الخير تنازلي ع القضية
صحراوة نعم التربية
ناس الحومة قالوا خولة بنت معقولة
الا مشات بسبابك الحبس
البنت غاديا تكرفس
يمكن تبكي وتالم ب الحكرة تحس
حتا هي بشر فيها نفس
الرجوع الله يا بوتازوت براكة من الزفوط
هادي دصارت كبور المسخوط
كن خلاك ف الدار
ماكنتيش تمشي السبيطار
ولا تشوفي بيت الخطر
الله يسامحك يا كبور الغدار
شربتي الشعبية لمرار
وا كبور كلم مراتك خلي المشكل يتفك
براكة من شد لي نقطع لك
بنادم مع الوقت مسلك
انت يا الشعبية الا بغيتي تكوني شعبية
سحبي الدعوة من الكوميسيرية
هادي امنية الجماهير المغربية
ف الخصام كلشي خاسر
لا خولة ولا انتيا
دخلت عليك ب مولاي علي الشريف الشعبية......

بحث في الجريدة الإلكترونية

التعليقات لا تعبر عن رأي الجريدة بل تلزم أصحابها فقط