آخر الأخبار
سيدي يحيى بريس ترحب بكم ...
الرئيسيـــــــــــــــــــة فيديوهات سيدي يحيى بريس نحن دائمـــــــــا معكم إتصل بنـــــــا
قصيدة لزجال الغرب المقتدر حسن البرارحي تحت عنوان "الهدية" ~ سيدي يحيى بريس

قصيدة لزجال الغرب المقتدر حسن البرارحي تحت عنوان "الهدية"


قصيدة لزجال الغرب المقتدر حسن البرارحي تحت عنوان "الهدية"

حسن البرارحي شتنبر 2016


الهدية

اش واقع ف البلدية
الدورة رجعت بلطجية
شد الحبل بين المعارضة والاغلبية
المدينة مشات الهاوية
ضاعت الاحلام بين الجهل والامية
فين الغيرة اليحياوية
جيبوا الغيطة والطبل معاه الهدية
الصلح بين المعارضة والاغلبية
علموا الباشوية الكوميسرية
القيادة والقروية
الحمومي الحسين الرحوية
فين الوعود الانتخابية
اش تغير المدينة هي هي
فين البنية التحتية فين الميزانية
فين مشاريع السكن الرحاونة السكة المنطقة الفيضية
انتما نهبوا المال حنا مشاريع وهمية
فين القانون فين الدموقراطية
فين المراقبة فين المحاسبة فين الميزانية
تخلط الهيت شي هرب المعارضة شي رجع الاغلبية
شي ترشح ف السبولة شي ف التقدم والاشتراكية
شي منعوه من التزكية
طار الحجل بقات قنية
ضاعت المشاريع بين المعارضة والاغلبية
هما الربح حنا والفنا الخطية
الا زادت المدينة القدام
اجي الوجهي دفل علي
لي مايحب كلامي يرفع ضدي دعوى قضائية
قلت كلمة الحق حسبوني احمق
دخلوني سبيطار الامراض العقلية
اش ندير سكن قلبي حب المدينة اليحياوية......٠
بخصوص دورو 2 شتنبر 2016

بحث في الجريدة الإلكترونية

التعليقات لا تعبر عن رأي الجريدة بل تلزم أصحابها فقط