آخر الأخبار
سيدي يحيى بريس ترحب بكم ...
الرئيسيـــــــــــــــــــة فيديوهات سيدي يحيى بريس نحن دائمـــــــــا معكم إتصل بنـــــــا
قصيدة زجال الغرب المقتدر حسن البرارحي "الزفزافي والنفنافي" ~ سيدي يحيى بريس

قصيدة زجال الغرب المقتدر حسن البرارحي "الزفزافي والنفنافي"


دائما مع الحدث قصيدة لزجال الغرب المقتدر حسن البرارحي تحت عنوان "الزفزافي والنفنافي"

حسن البرارحي ماي 2017


الزفزافي والنفنافي

يا الزفزافي سمعني مزيان
حنا ف الانسانية اخوان
كلنا مغاربة ف القلب حب الوطن
ملكنا واحد محمد بن الحسن
غرباوة صحراوة هل الريف وزيان
من حقي وحقك وقفة احتجاجية
المطالب شرعية ب كل روح وطنية
علاش لا نهز الراية المغربية
راه الفرق كبير بين الحقوق والانفصالية
فرق بين حب لبلاد النزعة القبلية
ياسيدي حنا ولاد الداخل حنا عروبية
اهانة ف حق كل مغربي ومغربية
فين الاخلاق فين الشهامة الريفية
يا الزفزافي شعلتي العوافي
خاصنا رجال المطافي
مشيتي بعيد خويا الزفزافي تمشي ب الحراس بحال القدافي
فهموك صحاب المعاني والقوافي
المغرب ارض الرجال
الوطن مايتباع ب المال
هادي ماكانت ف البال
ما شفناها ف منام ولا ف الخيال
الريف ارض مغربية يا بوزبال
مغربي من حقي نوجه كلمة
سكان الريف والحسيمة
خموا الف تخميمة
خليكم مغاربة احرار كيف ديما
لا تسمعوا كلام الحقد والنميمة
المغرب دولة عظيمة
انا معك طالب ب الحقوق المشروعة
خليها مظاهرة سلمية
تكلموا ب كل شفافية
رفعوا الراية المغربية
كلنا مغاربة ولاد البلاد
من حقكم قولوا
لا للفساد
لا لظلم العباد
لا للزبونية والاسبداد
عبر كيف بغيتي
حب المغرب ورثناه من لجداد
نزرعوه ف قلوب لحفاد
المغرب بلادي زين البلدان
شوكة ف حلق العديان
الموت لعديان الوطن
المغرب ارض الشجعان
ملكنا واحد محمد بن الحسن...٠

بحث في الجريدة الإلكترونية

التعليقات لا تعبر عن رأي الجريدة بل تلزم أصحابها فقط